banner banner banner banner
banner banner banner banner

banner
ქარ
ქარ
ქარ
ქარ
ქარ
ქარ
banner

კონკორი

 

 

პრეპარატის გამოყენების ინსტრუქცია

 

 

კონკორი

CONCOR

 

 

შემადგენლობა

აპკიანი გარსით დაფარული 1 ტაბლეტი ;   5 მგ შეიცავს :

ბირთვი

აქტიური ნივთიერება : ბისოპროლოლის ფუმარატი 2:1 ( ბისოპროლოლის ჰემიფუმარატი ) - 5 მგ

დამხმარე ნივთიერებები : სილიციუმის დიოქსიდი კოლოიდური უწყლო , მაგნიუმის სტეარატი , კროსპოვიდონი , ცელულოზა მიკროკრისტალური , სიმინდის სახამებელი , კალციუმის ჰიდროფოსფატი უწყლო .

გარსი

რკინის ოქსიდი ყვითელი ( E 172 ), დიმეთიკონი 100, მაკროგოლი 400, ტიტანის დიოქსიდი ( E 171 ), ჰიპრომელოზა 2910/15.

აპკიანი გარსით დაფარული 1 ტაბლეტი ;   10 მგ შეიცავს :

ბირთვი

აქტიური ნივთიერება : ბისოპროლოლის ფუმარატი 2:1 ( ბისოპროლოლის ჰემიფუმარატი ) - 10 მგ

დამხმარე ნივთიერებები : სილიციუმის დიოქსიდი კოლოიდური უწყლო , მაგნიუმის სტეარატი , კროსპოვიდონი , ცელულოზა მიკროკრისტალური , სიმინდის სახამებელი , კალციუმის ჰიდროფოსფატი უწყლო .

აპკიანი გარსი

რკინის ოქსიდი წითელი ( E 172 ), რკინის ოქსიდი ყვითელი ( E 172 ), დიმეთიკონი 100, მაკროგოლი 400, ტიტანის დიოქსიდი ( E 171 ), ჰიპრომელოზა 2910/15.

 

აღწერილობა

აპკიანი გარსით დაფარული 1 ტაბლეტი ,   5 მგ ;

ღია ყვითელი ფერის , გულის ფორმის , ორმხრივამოზნექილი , აპკიანი გარსით დაფარული ტაბლეტები , გამყოფი ხაზით ორივე მხარეს .

აპკიანი გარსით დაფარული 1 ტაბლეტი ,   10 მგ

ღია ნარინჯისფერის , გულის ფორმის , ორმხრივამოზნექილი , აპკიანი გარსით დაფარული ტაბლეტები , გამყოფი ხაზით ორივე მხარეს .

ფარმაკოთერაფიული ჯგუფი : სელექტიური ბეტა 1 - ადრენობლოკატორი

ათქ კოდი : C07AB07

ფარმაკოთერაპიული ჯგუფი

ფარმაკოდინამიკა სელექტიური ბეტა 1 - ადრენობლოკატორი , საკუთარი სიმპათომიმეტური აქტივობის გარეშე , არ გააჩნია მემბრანომასტაბილიზირებული მოქმედება . ამცირებს სისხლის პლაზმის რენინის აქტივობას , მიოკარდის ჟანგბადზე მოთხოვნილებას , აქვეითებს გულის შეკუმშვის სიხშირეს ( მოსვენების მდგომარეობაში და დატვირთვისას ). ხასიათდება ჰიპოტენზიური , ანტიარითმული და ანტიანგინალური მოქმედებით .   აბლოკირებს რა დაბალი დოზებით გულის ბეტა 1 ადრენორეცეპტორებს ,   ამცირებს კატექოლამინების მიერ სტიმულირებული ციკლური ადენოზინ - მონოფოსფატის ადენოზიფოსფატიდან წარმოქმნას , ამცირებს კალციუმის იონების შიდაუჯრედოვან ტრანსპორტს , გააჩნია   უარყოფითი ქრონო -, დრომო -, ბათმო -, და ინოტროპული მოქმედება ( თრგუნავს გამტარებლობას და აგზნებადობას , ანელებს ატრიოვენტრიკულურ გამტარებლობას ).

დოზის გაზრდის შემთხვევაში , თერაპიულ მოქმედებასთან შედარებით , ავლენს უფრო მაღალ ბეტა 2 ადრენომაბლოკირებად მოქმედებას .

სისხლძარღვთა საერთო წინააღმდეგობა პრეპარატის მიღების დასაწყისში , პირველ 24 სთ - ში ოდნავ იზრდება ( ალფა - ადრენორეცეპტორების რეციპროკული აქტივობის მომატების შედეგად ), რომელიც 1-3 დღეღამის შემდეგ უბრუნდება საწყის მდგომარეობას , ხოლო ხანგრძლივი გამოყენებისას მცირდება .

ჰიპოტენზიური ეფექტი დაკავშირებულია სისხლის წუთმოცულობის შემცირებასთან , პერიფერიული სისხლძარღვების სიმპათიკურ ტონუსის შემცირებასთან , რენინ - ანგიოტენზინური სისტემის აქტივობის დაქვეითებასთან ( დიდი მნიშვნელობა აქვს რენინის საწყისი ჰიპერსეკრეციის მქონე ავადმყოფებისათვის ), მგრძნობელობის აღდგენასთან არტერიული წნების დაწევის შედეგად და გავლენით ცენტრალურ ნერვულ სისტემაზე ( ცნს ). არტერიული ჰიპერტენზიის დროს ეფექტი მიიღწევა 2-5 დღის შემდეგ , სტაბილური მოქმედება – 1-2 თვის შემდეგ .

ანტიანგინალური ეფექტი განპირობებულია მიოკარდის ჟანგბადზე მოთხოვნილების შემცირებით გულის შეკუმშვის სიხშირის დაქვეითებით , კუმშვადობის უმნიშვნელო შემცირებით , დიასტოლის   პროლონგირებით და მიოკარდის პერფუზიის გაუმჯობესებით . ანტიარითმული ეფექტი განპირობებულია არითმოგენური ფაქტორების ნიველირებით ( ტაქიკარდია , სიმპათიკური ნერვული სისტემის მომატებული აქტივობა , ციკლური ადენოზინ - მონოფოსფატის შემცველობის მომატება , არტერიული ჰიპერტენზია ), სინუსური და ექტოპიური რითმის დათრგუნვით ,   სპონტანური აგზნების სიჩქარის შემცირებით და ატრიოვენტრიკულური ( AV ) გამტარებლობის შენელებით ( ძირითადად ანტეგრადული და ნაკლებად რეტროგრადული მიმართულებით ატრიოვენტრიკულური კვანძებიდან ) დამატებით გზებში .

საშუალო თერაპიული დოზებით გამოყენებისას , არასელექციური ბეტა - ადრენობლოკატორებისგან განსხვავებით , ბისოპროლოლს გააჩნია ნაკლებად გამოხატული გავლენა ბეტა 2 ადრენორეცეპტორების შემცველ ორგანოებზე ( კუჭქვეშა ჯირკვალი , ჩონჩხის კუნთების სისხლძარღვების , პერიფერიული არტერიები , ბრონქების და საშვილოსნოს გლუვი მუსკულატურა ) და ნახშირწყლების ცვლაზე . იგი არ იწვევს ნატრიუმის იონების ( Na+ ) შეკავებას ორგანიზმში .

  შეწოვა . B ბისოპროლოლი თითქმის მთლიანად (> 90%) შეიწოვება კუჭ - ნაწლავის ტრაქტიდან . M მისი ბიოშეღწევადობა ღვიძლში მისი პირველი გავლისას უმნიშვნელო მეტაბოლიზმის შედეგად ( დაახლოებით 10%-15%) შეადგენს დაახლოებით 85-90%- შიგნით მიღების შემდეგ . საკვების მიღება ბიოშეღწევადობაზე გავლენას არ ახდენს . B ბისოპროლოლს ხაზოვანი კინეტიკა გააჩნია , ბიოშეღწებადობა , თუმცა მისი კონცენტრაციები სისხლის პლაზმაში შეყვანილი დოზის პროპორციულია დოზების დიაპაზონში 5- დან 20 მგ - მდე . M მაქსიმალური კონცენტრაცია სისხლის პლაზმაში მიიღწევა 2-3 საათში .

G განაწილება . ბისოპროლოლი ნაწილდება საკმაოდ ფართოდ . განაწილების მოცულობა შეადგენს 3,5 / კგ . კავშირი სისხლის პლაზმის ცილებთან აღწევს დაახლოებით 35%- , მიტაცება სისხლის უჯრედებით არ აღინიშნება .

მეტაბოლიზმი . მეტაბოლიზდება ჟანგვითი გზით შემდგომი კონიუგაციის გარეშე . ყველა მეტაბოლიტს გააჩნია ძლიერი პოლარულობა და გამოიყოფა თირკმელებით . სისხლის პლაზმაში და შარდში აღმოჩენილი ძირითადი მეტაბოლიტები არ ავლენენ ფარმაკოლოგიურ აქტივობას . ადამიანის ღვიძლის მიკროსომულ ფერმენტებზე ჩატარებული ექსპერიმენტებით მიღებული მონაცემების შედეგად in vitro დადგენილ იქნა , რომ ბისოპროლოლი მეტაბოლიზმს განიცდის პირველ რიგში CYP3A4 – ის მეშვეობით (95%- მდე ), ხოლო CYP2D6 უმნიშვნელო როლს თამაშობს .

გამოყოფა . ბისოპროლოლის კლირენსი განისაზღვრება მისი თირკმელებით უცვლელი სახით გამოყოფის (50%- მდე ) და ღვიძლში ჟანგვითი მეტაბოლიზმის (50%- მდე ) პარიტეტით , რომლის შედეგად წატმოქმნილი მეტაბოლიტები , შემდგომ ასევე გამოიყოფა თირკმელებით . საერთო კლირენსი 15,6 ± 3,2 / სთ ., ხოლო თირკმელის კლირენსი შეადგენს 9,6 ± 1,6 / სთ . ნახევრადგამოყოფის პერიოდი   10-12 სთ - უტოლდება .

 

გამოყენების ჩვენებები

  • არტერიული ჰიპერტენზია
  • გულის იშემიური დაავადება : სტენოკარდიული შეტევების პროფილაქტიკა
  • გულის ქრონიკული უკმარისობა

უკუჩვენებები

პრეპარატი კონკორი ® არ ინიშნება შემდეგი მდგომარეობების მქონე პაციენტების სამკურნალოდ :

·          მომატებული მგრძნობელობა ბისოპროლოლის ან პრეპარატის ნებისმიერი კომპონენტის ( იხ . ” შემადგენლობა ”) და სხვა ბეტა - ადრენობლოკატორების მიმართ ;

·          გულის მწვავე უკმარისობა , გულის ქრონიკული უკმარისობა დეკომპენსაციის სტადიაში ;

·          გულის ფუნქციის დარღვევით გამოწვეული შოკი ( კარდიოგენული შოკი ), კოლაფსი ;

·          II და III ხარისხის ატრიოვენტრიკულური ბლოკადა , ელექტროკარდიოსტიმულატორის გარეშე ;

·          სინუსური კვანძის სისუსტის სინდრომი ;

·          სინოატრიული ბლოკადა ;

·          გამოხატული ბრადიკარდია ( გულის შეკუმშვის სიხშირე 50 დარტყმაზე / წთ - ში ნაკლები );

·          ჰიპოტენზია ( სისტოლური წნევა 90 მმ ვწყ . სვ . ნაკლები );

·          ბრონქული ასთმის და ანამნეზში ფილტვების ობსტრუქციული დაავადების მძიმე ფორმები ;

·          პერიფერიული სისხლმიმოქცევის დარღვევის გვიანი სტადია , რეინოს დაავადება ;

·          ფეოქრომოციტომა ( ალფა - ადრენობლოკატორების ერთდროული გამოყენების გარეშე );

·          მეტაბოლური აციდოზი ;

·          მონოამინოქსიდაზის ( მაო ) ინჰიბიტორების ერთდროული მიღება , MAO-B-   გარდა ;

·          18 წლამდე ასაკი ( ეფექტურობა და უსაფრთხოება დადგენილი არ არის ).

სიფრთხილით : ღვიძლის უკმარისობა , თირკმელების ქრონიკული უკმარისობა , პრინცმეტალის სტენოკარდია ; მიასთენია , თირეოტოქსიკოზი , შაქრიანი დიაბეტი , I ხარისხის ატრიოვენტრიკული ბლოკადა , დეპრესია ( მათ შორის ანამნეზში ), ფსორიაზი , ხანდაზმული ასაკი .

გამოყენება ორსულობისა და ლაქტაციის პერიოდში

ორსულობის პერიოდში კონკორი ® - ის მიღება რეკომენდებულია მხოლოდ იმ შემთხვევაში , თუ დედისთვის მოსალოდნელი შედეგი აჭარბებს ნაყოფზე უარყოფითი გავლენის რისკს .

როგორც წესი , ბეტა - ადრენობლოკატორები ამცირებს სისხლმიმოქცევას პლაცენტაში და შეიძლება გავლენა მოახდინოს ნაყოფის განვითარებაზე . ამის გამო , საჭიროა ყურადღება მიექცეს სისხლმიმოქცევას პლაცენტაში და საშვილოსნოში . ასევე მომავალი ბავშვის განვითარებას და ორსულის და ნაყოფის   მიმართ სახიფათო გამოვლინებების შემთხვევაში , საჭიროა ალტერნატიული თერაპიული ზომების მიღება .

მშობიარობის შემდეგ უნდა განხორციელდეს ახალშობილთა საგულდაგულო გამოკვლევა . სიცოცხლის პირველი სამი დღის განმავლობაში შეიძლება გამოვლინდეს სისხლში გლუკოზის დონის დაქვეითების და გულის შეკუმშვის სიხშირის შემცირების სიმპტომები .

არ არსებობს მონაცემები ბისოპროლოლის დედის რძეში ექსკრეციის ან ჩვილებზე ბოსოპროლოლის მოქმედების უსაფრთხოების შესახებ . ამიტომ პრეპარატ კონკორი ® - მიღება ქალებისთვის ლაქტაციის პერიოდში რეკომენდებული არ არის .

გამოყენების წესი და დოზები .

ტაბლეტი უნდა გადაიყლაპოს წყლის მცირე რაოდენობასთან ერთად უზმოზე , საუზმის დროს ან საუზმის შემდეგ . ტაბლეტი უნდა გადაიყლაპოს დაუღეჭავად ან ფხვნილად დაფქვილი სახით .

არტერიული ჰიპერტენზიის და სტენოკარდიის მკურნალობა

ყველა შემთხვევაში მიღების რეჟიმის და დოზირების შერჩევა ექიმის მიერ ხდება ინდივიდუალურად , კერძოდ გულის შეკუმშვის სიხშირის და პაციენტის მდგომარეობის გათვალისწინებით .  

ჩვეულებრივ საწყისი დოზა შეადგენს 5 მგ - ( კონკორი ® - ის 1 ტაბლეტი 5 მგ ) დღეში ერთხელ . საჭიროების შემთხვევაში დოზა შეიძლება გავზარდოთ 10 მგ - მდე დღეში ერთხელ .

არტერიული ჰიპერტენზიის და სტენოკარდიის მკურნალობის დროს მაქსიმალური რეკომენდებული დოზა შეადგენს კონკორი ® - ის 20 მგ - დღეში ერთხელ .

გულის ქრონიკული უკმარისობის მკურნალობა

გულის ქრონიკული უკმარისობის პრეპარატ კონკორი ® - ით მკურნალობის დაწყება მოითხოვს დოზის ტიტრირების სპეციალური ფაზის აუცილებელ ჩატარებას და რეგულარულ საექიმო კონტროლს .

კონკორი ® - ით მკურნალობის წინასწარი პირობები შემდეგია :

·          გულის ქრონიკული უკმარისობა გამწვავების ნიშნების გარეშე წინა ექვსი კვირის განმავლობაში ,

·          პრაქტიკულად უცვლელი საბაზისო თერაპია წინა ორ კვირაში ,

·          მკურნალობა აგფ ინჰიბიტორების ( ან აგფ ინჰიბიტორების აუტანლობის გამო სხვა სისხლძარღვთა გამაფართოებელი საშუალებებით ), დიურეზულების და სტაციონარულად , გულის გლიკოზიდების ოპტიმალური დოზებით .

·                  გულის ქრონიკული უკმარისობის მკურნალობა კონკორი ® - ით იწყება დოზის ტიტრირების შემდეგი სქემის შესაბამისად . ამასთან , შესაძლებელია საჭირო გახდეს ინდივიდუალური ადაპტაცია იმის გათვალისწინებით , თუ რამდენად კარგად იტანს პაციენტი დანიშნულ დოზას , ანუ დოზის გაზრდა შესაძლებელია მხოლოდ იმ შემთხვევაში , თუ პაციენტმა კარგად აიტანა წინა დოზა .

პირველი კვირა      კონკორ ® - ის      1.25 მგ             დღეში ერთხელ

მე -2 კვირა :

   კონკორ ® - ის

2,5 მგ

დღეში ერთხელ

მე -3 კვირა :

   კონკორ ® - ის

3,75 მგ

დღეში ერთხელ

მე -4 - მე -7 კვირა :

   კონკორ ® - ის

5 მგ

დღეში ერთხელ

მე -8 - მე -11 კვირა :

   კონკორ ® - ის

7,5 მგ

დღეში ერთხელ

მე -12 კვირა და შემდგომ :

   კონკორ ® - ის

10 მგ

დღეში ერთხელ შემანარჩუნებელი თერაპიის სახით *

  * ტიტრირების ზემოთმოყვანილი პროცესის უზრუნველსაყოფად მკურნალობის საწყის სტადიებზე რეკომენდებულია   პრეპარატ   კონკორ ® KOP- ის მიღება .

გულის ქრონიკული დაავადების მკურნალობისას მაქსიმალური რეკომენდებული დოზა შეადგენს კონკორ ® - ის 10 მგ - დღეში ერთხელ .

რეკომენდებულია პაციენტებმა მიიღონ ექიმის მიერ შერჩეული პრეპარატის დოზა , თუ არ განვითარდა გვერდითი რეაქციები .

პრეპარატის 1,25 მგ დოზით მკურნალობის დაწყების შემდეგ ( პრეპარატ   კონკორ ® KOP 1/2 ტაბლეტი ), პაციენტი უნდა იმყოფებოდეს მეთვალყურეობის ქვეშ დაახლოებით 4 საათის განმავლობაში ( გულის შეკუმშვის სიხშირის , არტერიული წნევის ,   გულის გამტარებლობის დარღვევის კონტროლი , გულის უკმარისობის გაუარესების ნიშნები ).

ტიტრირების ფაზის ან მის შემდეგ , შესაძლებელია   გულის უკმარისობის მიმდინარეობის დროებითი გაუარესება , სითხის შეკავება ორგანიზმში , არტერიული ჰიპოტენზია ან ბრადიკარდია . ამ შემთხვევაში რეკომენდებულია პირველ რიგში , ყურადღება   მიექცეს შესაბამისი საბაზისო თერაპიის დოზირების შერჩევას ( დიურეზულის და / ან აგფ ინჰიბიტორის დოზის ოპტიმიზაცია ) კონკორ ® - ის დოზირების შემცირებამდე . კონკორ ® - ით მკურნალობა უნდა შეწყდეს მხოლოდ უკიდურეს შემთხვევაში .

პაციენტის მდგომარეობის სტაბილიზაციის შემდეგ უნდა ხელმეორედ ჩატარდეს ტიტრირება ან გაგრძელდეს მკურნალობა .

 

მკურნალობის ხანგრძლივობა ყველა ჩვენების დროს

პრეპარატ კონკორ ® - ით მკურნალობა ჩვეულებრივ წარმოადგენს ხანგრძლივ თერაპიას .

საჭიროების შემთხვევაში მკურნალობა შეიძლება შეწყდეს , და განახლდეს გარკვეული წესების დაცვით .

მკურნალობა არ უნდა შეწყდეს უეცრად , განსაკუთრებით გულის იშემიური დაავადებით შეპყრობილ პაციენტებში . თუ საჭიროა მკურნალობის შეწყვეტა , დოზა უნდა შემცირდეს თანდათანობით .

პაციენტთა განსაკუთრებული ჯფუფები

თირკმელების ან ღვიძლის ფუნქციის დარღვევა

არტერიული ჰიპერტენზიის ან სტენოკარდიის მკურნალობა :

·          ღვიძლის ან თირკმელების მსუბუქი ან ზომიერი ხარისხის ფუნქციის დარღვევისას , ჩვეულებრივ დოზა კორექტირებას არ საჭიროებს

·          თირკმელების ფუნქციის გამოხატული დარღვევების დროს ( კრეატინინის კლირენსი 20 მლ / წთ ზე ნაკლები ) ღვიძლის მძიმე დაავადებებით შეპყროპილ პაციენტებში მაქსიმალური სადღეღამისო დოზა შეადგენს 10 მგ - .

ხანდაზმული პაციენტები :

დოზის კორექცია საჭირო არ არის .

გვერდითი მოქმედება

ქვემოთ მოყვანილი გვერდითი მოვლენების სიხშირე განისაზღვრებოდა შემდეგნაირად :

-           ძალზე ხშირად > 1/10;

-           ხშირად > 1/100, < 1/100;

-           ხანდახან > 1/1000, < 1/1000;

-           იშვიათად > 1/10 000, < 1/10 000;

-           ძალზე იშვიათად < 1/10 000, მათ შორის ზოგიერთი მონაცემი

 

გულ - სისხლძარღვთა სისტემა :

ძალზე ხშირად : გულის შეკუმშვის სიხშირის შემცირება ( ბრადიკარდია , განსაკუთრებით გულის ქრონიკული უკმარისობის მქონე პაციენტებში ); ხშირად : არტერიაული ჰიპოტენზია ( განსაკუთრებით გულის ქრონიკული უკმარისობის მქონე პაციენტებში ), ანგიოსპაზმის გამოვლინება ( პერიფერიული სისხლმიმოქცევის დარღვევა , სიცივის შეგრძნება კიდურებში ( პარესთეზიები ); ხანდახან : ატრიოვენტრიკულური გამტარებლობის დარღვევა , ორთოსტატური ჰიპოტენზია , გულის უკმარისობის დეკომპენსაცია პერიფერიული შეშუპების განვითარებით .

ნერვული სისტემა :

მკურნალობის დასაწყისში შესაძლებელია დროებით გამოვლინდეს ცენტრალური ნერვული სისტემის დარღვევები , ხანდახან : თავბრუსხვევა , თავის ტკივილი , ასთენია , დაღლილობის შეგრძნება , ძილის დარღვევა , და ასევე ფსიქიკური დარღვევები ( ხანდახან დეპრესია , იშვიათად ჰალუცინაციები , ღამის კოშმარები , კრუნჩხვები ). ჩვეულებრივ ეს მოვლენები დროებითი ხასიათისაა და , როგორც წესი , ქრება მკურნალობის დაწყებიდან 1-2 კვირის განმავლობაში .

მხედველობის ორგანოები

იშვიათად : მხედველობის დარღვევა , შემცირებული ცრემლდენა ( გასათვალისწინებელია , თუ ავადმყოფი იყენებს ლინზებს ), ძალზე იშვიათად :   კონიუნქტივიტი .

სასუნთქი სისტემა

იშვიათად : ალერგიული რინიტი . ხანდახან : ბრონქოსპაზმი პაციენტებში ბრონქული ასთმით ან სასუნთქი გზების ობსტრუქციული დაავადებით .

კუჭ - ნაწლავის ტრაქტი :

ხშირად : გულისრევა , ღებინება , დიარეა , ყაზბობა , პირის ღრუს ლორწოვანი გარსის სიმშრალე ; იშვიათად : ჰეპატიტი .

საყრდენ - მამოძრავებელი აპარატი

ხანდახან : კუნთების სისუსტე , კრუნჩხვები , ართრალგია .

ალერგიული რეაქციები :

იშვიათად : მომატებული მგრძნობელობის რეაქციები , როგორიცაა : კანის ქავილი , კანის შეწითლება , ოფლიანობა , გამონაყარი .

ძალზე იშვიათად : ალოპეცია . ბეტა - ადრენობლოკატორებს შეუძლიათ ფსორიაზის მიმდინარეობის გამწვავება .

შარდ - სასქესო ორგანოები

ძალზე იშვიათად : პოტენციის დაქვეითება .

ლაბორატორიული მაჩვენებლები :

იშვიათად : სისხლში ღვიძლის ფერმენტების დონის მომატება ,   სისხლში ტრიგლიცერიდების დონის მომატება . იშვიათ შემთხვევებში : თრომბოციტოპენია , აგრანულოციტოზი .

ჭარბი დოზირება .

სიმპტომები : არითმია , პარკუჭოვანი ექსტრასისტოლია , გამოხატული ბრადიკარდია , ატრიოვენტრიკულური ბლოკადა , არტერიული წნევის გამოხატული დაქვეითება , გულის მწვავე უკმარისობა , ჰიპოგლიკემია , აკროციანოზი , სუნთქვის გაძნელება , ბრონქოსპაზმი , თავბრუსხვევა , გულის წასვლა , კრუნჩხვები .

მკურნალობა : კუჭის ამორეცხვა და ადსორბირებადი სამკურნალო საშუალებების დანიშვნა , სიმპტომური თერაპია ; განვითარებული ატრიოვენტრიკული ბლოკადის დროს ინტრავენურად 1-2 მგ ატროპინის , ეპინეფრინის შეყვანა ან დროებითი კარდიოსტიმულატორის დაყენება ;   პარკუჭოვანი ექსტრასისტოლიის დროს ლიდოკაინი (I A ჯგუფის პრეპარატები არ გამოიყენება ); არტერიული წნევის გამოხატული დაქვეითების დროს ავადმყოფი უნდა იმყოფებოდეს ტრენდელენბურგის მდგომარეობაში ; თუ არ არსებობს ფილტვების შეშუპების ნიშნები პლაზმის შემცვლელი ხსნარები ინტრავენურად , არაეფექტურობის შემთხვევაში ეპინეფრინის , დოპამინის , დობუტამინის შეყვანა ( ქრონოტროპული და ინოტროპული მოქმედების შესანარჩუნებლად და არტერიული წნევის გამოხატული დაქვეითების ნიველირებისთვის ); გულის უკმარისობის დროს საგულე გლიკოზიდები , დიურეზულები , გლუკაგონი ; კრუნჩხვების დროს ინტრავენურად დიაზეპამი ; ბრონქოსპაზმის დროს ბეტა 2 - ადრენოსტიმულატორები ინჰალაციის სახით .

ურთიერთქმედება სხვა სამკურნალო საშუალებებთან

სამკურნალო საშუალებების ეფექტურობაზე და ამტანობაზე შეიძლება გავლენა მოახდინოს სხვა წამლების ერთდროულმა გამოყენებამ . ასეთი ურთიერთქმედება შესაძლებელია იმ შემთხვევებში , როდესაც ორი სამკურნალო საშუალების გამოყენება ხდება დროის მცირე მონაკვეთში . ექიმს უნდა შეატყობინოთ იმის შესახებ , რომ თქვენ იღებთ სხვა სამკურნალო საშუალებებს დანიშნულების მიუხედავათ .

ალერგენების ექსტრაქტები კანის სინჯებისთვის ზრდიან მძიმე სისტემური ალერგიული რეაქციების ან ანაფილაქსიის წარმოშობის რისკს ავადმყოფებში , რომლებიც იღებენ ბისოპროლოლს .

იოდის შემცველი რენტგენოკონტრასტული დიაგნოსტიკური საშუალებები ინტრავენურად შესაყვანად ზრდიან ანაფილაქსიური რეაქციების განვითარების რისკს .

ფენიტოინი ინტრავენური შეყვანისას , ზოგადი საანესთეზიო საინჰალაციო საშუალებები ( ნახშირწყალბადის წარმოებული ) აძლიერებს კარდიოდეპრესიული მოქმედების გამოხატულობას და არტერიული წნევის დაქვეითების შესაძლებლობას .

ინსულინის და პერორალური ჰიპოგლიკემიური სამკურნალო საშუალებების ეფექტურობა შეიძლება შეიცვალოს ბისოპრლოლოლით მკურნალობისას ( ნიღბავს განვითარებული ჰიპოკლიკემიის სიმპტომებს : ტაქიკარდია , არტერიული წნევის მომატება ).        

ლიდოკაინის და ქსანტინების კლირენსი ( დიფილინის გარდა ) შესაძლებელია შემცირდეს სისხლის პლაზმაში მათი კონცენტრაციის შესაძლო მომატებასთან დაკავშირებით , განსაკუთრებით თეოფილინის მომატებული საწყისი კლირენსის მქონე ავადმყოფებში მოწევის გავლენის გამო .

არასტეროიდული ანთების საწინააღმდეგო პრეპარატები , გლუკოკორტიკოსტეროიდები და ესტროგენები აქვეითებს ბისოპროლოლის ჰიპოტენზიურ ეფექტს ( Na+ შეკავების , თირკმელებში პროსტაგლანდინის სინთეზის ბლოკადის გამო ).

საგულე გლიკოზიდები , მეთილდოპა , რეზერპინი და გუანფაცინი , კალციუმის ნელი არხების ბლოკატორები ( ვერამაპილი , დილთიაზემი ), ამიოდარონი და სხვა ანტიარითმული საშუალებები ზრდიან ბრადიკარდიის , ატრიოვენტრიკულური ბლოკადის , გულის გაჩერების და გულის უკმარისობის განვითარების და გაუარესების რისკს .

ნიფედიპინმა შეიძლება გამოიწვიოს არტერიული წნევის მნიშვნელოვანი დაქვეითება .

დიურეზულებს , კლონიდინს , სიმპატოლიზურებს , ჰიდრალაზინს და სხვა ჰიპოტენზურ პრეპარატებს შეუძლიათ გამოიწვიონ არტერიული წნევის გადაჭარბებული დაქვეითება .

ბისოპროლოლით მკურნალობის პერიოდში შესაძლებელია მოხდეს არამადეპოლარიზებელი მიორელაქსანტების მოქმედების და კუმარინების ანტიკოაგულანტური ეფექტის პროლონგირება .

ტრი - და ტეტრაციკლური ანტიდეპრესანტები , ანტიფსიქოზური საშუალებები ( ნეიროლეფსიურები ), ეთანოლი , სედაციური და საძილე სამკურნალო საშუალებები აძლიერებენ ცნს - ის დათრგუნვას .

მაო - ინჰიბიტორებთან ერთდროული მიღება რეკომენდებული არ არის ჰიპოტენზური მოქმედების მნიშვნელოვანი გაძლიერების გამო . მკურნალობის ინტერვალი მაო - ინჰიბიტორების და ბისოპროლოლის მიღებებს შორის არა ნაკლებ 14 დღეს უნდა შეადგენდეს .

ჭვავის რქის არაჰიდრირებული ალკალოიდები ზრდიან პერიფერიული სისხლის მიმოქცევის დარღვევის რისკს .

ერგოტამინი ზრდის პერიფერიული სისხლმიმოქცევის დარღვევის რისკს ; სულფასალაზინი ზრდის ბისოპროლოლის კონცენტრაციას სისხლის პლაზმაში ; რიფამპიცინი ამცირებს ნახევრადგამოყოფის პერიოდს .

 

 

განსაკუთრებული მითითებები

არ შეწყვიტოთ მკურნალობა უეცრად და არ შეცვალოთ   რეკომენდებული დოზა ექიმთან წინასწარი კონსულტაციის გარეშე , ვინაიდან ამან შეიძლება გამოწვიოს გულის მოქმედების დროებითი გაუარესება . მკურნალობა არ უნდა შეწყვიტოთ უეცრად , განსაკუთრებით გულის იშემიური დაავადების მქონე პაციენტებმა . თუ მკურნალობის შეწყვეტა აუცილებელია , მაშინ დოზირება უნდა შეამციროთ თანდათანობით .

პაციენტების მდგომარეობის კონტროლი , რომლებიც იღებენ კონკორ ® - , უნდა შეიცავდეს გულის შეკუმშვის სიხშირის და არტერიული წნევის გაზომვას ( მკურნალობის დასაწყისში ყოველდღიურად , შემდეგ 3-4 თვეში ერთხელ ), ეკგ - ჩატარებას , შაქრიანი დიაბეტის მქონე ავადმყოფებში სისხლის გლუკოზის განსაზღვრას (4-5 თვეში ერთხელ ). ხანდაზმულ პაციენტებში რეკომენდებულია თირკმელების ფუნქციის გაკონტროლება (4-5 თვეში ერთხელ ).

ავადმყოფს უნდა შეასწავლოთ გულის შეკუმშვის სიხშირის გამოთვლის მეთოდიკა და გაუწიოთ ინსტრუქტირება ექიმის კონსულტაციის აუცილებლობის შესახებ , თუ   გულის შეკუმშვის სიხშირე 50 დარტყმაზე / წთ ნაკლებია .

მკურნალობის დაწყებამდე AB ბრონქების და ფილტვების დამძიმებული ანამნეზის მქონე ავადმყოფებში რეკომენდებულია ჩატარდეს სუნთქვის ფუნქციის გამოკვლევა .

ავადმყოფებმა , რომლებიც ატარებენ კონტაქტურ ლინზებს , უნდა გაითვალისწინონ , რომ მკურნალობის ფონზე შესაძლებელია საცრემლე სითხის პროდუქციის შემცირება .

ფეოქრომოციტომით დაავადებულ ავადმყოფებში არსებობს პარადოქსული არტერიული ჰიპერტენზიის განვითარების რისკი ( თუ წინასწარ არ არის მიღწეული ეფექტური ალფა - ადრენობლოკადა ).

თირეოტოქსიკოზის დროს კონკორ ® - შეუძლია შენიღბოს თირეოტოქსიკოზის გარკვეული კლინიკური ნიშნები ( მაგალითად ტაქიკარდია ). პრეპარატის უეცარი მოხსნა თირეოტოქსიკოზის მქონე ავადმყოფებში წინააღმდეგნაჩვენებია , ვინაიდან შეიძლება გაძლიერდეს დაავადების სიმპტომატიკა .

შაქრიანი დიაბეტის დროს შეიძლება შენიღბოს ჰიპოგლიკემიით გამოწვეული   ტაქიკარდია . არასელექციური ბეტა - ადრენობლოკატორებისგან განსხვავებით , პრაქტიკულად არ აძლიერებს ინსულინით გამოწვეულ ჰიპოგლიკემიას და არ აფერხებს სისხლში გლუკოზის კონცენტრაციის აღდგენას ნორმალურ დონემდე .

კლოდინინთან ერთდროული მიღებისას , მისი მიღება შეიძლება შეწყდეს კონკორ ® - გამოყენების შეწყვეტიდან მხოლოდ რამოდენიმე დღის შემდეგ .

შესაძლებელია მომატებული მგრძნობელობის რეაქციის გამოხატულების გაძლიერება და ეპინეფრინის ჩვეულებრივი დოზების ეფექტის არარსებობა ალერგიული ანამნეზის ფონზე .

გეგმიური ქირურგიული მკურნალობის საჭიროების შემთხვევაში , პრეპარატის მიღება უნდა შეწყდეს საერთო ანასთეზიის ჩატარებამდე არანაკლებ 48 საათით ადრე . თუ ავადმყოფმა მიიღო პრეპარატი ოპერაციის წინ , საჭირო   ზოგადი ანესთეზიისთვის შეირჩეს სამკურნალო საშუალება მინიმალური უარყოფითი ინოტროპული მოქმედებით .

ცთომილი ნერვის რეციპროკული აქტივაცია შეიძლება თავიდან ავიცილოთ ატროპინის ინტრავენურად შეყვანის გზით (1-2 მგ ).

სამკურნალო საშუალებებს , რომლებიც ამცირებენ კატექოლამინების მარაგს ( მათ შორის რეზერპინი ), შეუძლიათ გააძლიერონ ბეტა - ადრენობლოკატორების მოქმედება . ამიტონ ავადმყოფები , რომლებიც იღებენ სამკურნალო საშუალებების ასეთ კომბინაციას , უნდა იმყოფებოდნენ ექიმის მუდმივი კონტროლის ქვეშ არტერიული წნევის გამოხატული დაქვეითების და ბრადიკარდიის გამოვლენის მიზნით .

ბრონქოსპასტიური დაავადებების მქონე ავადმყოფებისთვის შესაძლებელია კარდიოსელქციური ადრენობლოკატორების დანიშვნა სხვა ჰიპოტენზიური საშუალებების აუტანლობის და / ან არაეფექტურობის შემთხვევაში . პრეპარატის დოზის გადაჭარბების შემთხვევაში , შესაძლებელია ბრონქოსპაზმის განვითარება .

ხანდაზმულ ავადმყოფებში ბრადიკარდიის ( გულის შეკუმშვის სიხშირე 50 დარტყმაზე / წთ - ში ნაკლები ), არტერიული წნევის გამოხატული   დაქვეითების ( სისტოლური არტერიული წნევა 100 მმ ვწყ . სვ . ნაკლები ), ატრიოვენტრიკულური ბლოკადის გამოვლენის შემთხვევაში , საჭიროა მოხდეს დოზის შემცირება ან მკურნალობის შეწყვეტა .

რეკომენდებულია თერაპიის შეწყვეტა დეპრესიის განვითარების დროს .

მკურნალობის უეცარი შეწყვეტა დაუშვებელია მძიმე არითმიების და მიოკარდიუმის ინფარქტის განვითარების საფრთხის გამო . პრეპარატის გაუქმებას ახორციელებენ თანდათანობით , დოზის შემცირება ხდება 2 კვირის ( და მეტი ) განმავლობაში ( დოზის შემცირება ხდება 25%- ით 3-4 დღეში ). პრეპარატის გაუქმება უნდა მოხდეს სისხლში და შარდში კატექოლამინების , ნორმეტანეფრინის და ვანილინნუშის მჟავას ( BMA ) შემცველობის , ანტინუკლეარული ანტისხეულების ტიტრების გამოკვლევის წინ .

გავლენა მანქანის მართვის და მექანიზმებთან მუშაობის უნარზე :

პრეპარატი კონკორ ®   - ის უარყოფითი   მოქმედება ავტომობილით მართვის უნარზე გულის კორონარური დაავადებებით შეპყრობილი პაციენტების გამოკველევისას არ აღინიშნება . მაგრამ ინდივიდუალური რეაქციების გამო , ავტომობილით მართვის უნარი ან მუშაობა ტექნიკურად რთულ მექანიზმებთან შეიძლება დაირღვეს . ამაზე უნდა გაამახვილოთ განსაკუთრებული ყურადღება მკურნალობის დაწყებამდე , დოზის შეცვლის შემდეგ და ასევე ალკოჰოლის ერთდროულად მიღებისას .

გამოშვების ფორმა

აპკიანი გარსით დაფარული ტაბლეტები , 5 და 10 მგ .

10 ტაბლეტი ალუმინის და პოლივინილქლორიდის ბლისტერში , 3, 5 ან 10 ბლისტერს გამოყენების ინსტრუქციასთან ერთად ათავსებენ მუყაოს კოლოფში .

 

შენახვის პირობები

ინახება არაუმეტეს 300 C ტემპერატურაზე . შეინახეთ ბავშვებისათვის მიუწვდომელ ადგილას .

 

ვარგისიანობის ვადა

5 წელი . არ შეინახოთ ვარგისიანობის ვადის გასვლის შემდეგ .

 

აფთიაქიდან გაცემის წესი

გაიცემა რეცეპტით

 

მწარმოებელი

მერკ კგაა , გერმანია

მწარმოებლის მისამართი :

ფრანკფურტე შტრასე 250, 64293 დარმშტადტი ,

გერმანია

Frankfurter Strasse 250, 64293 Darmstadt, Germany

წარმომადგენლობა რუსეთში და დსთ - ში :

ნიკომედ ავსტრია გმბხ “, ავსტრია

119049, . მოსკოვი , ქუჩა შაბოლოვკა

სახლი 10, შენობა 2

ტელ .:    + 7 (495) 933 55 11

ფაქსი :   + 7 (495) 933 29 05

 

 

 

 

 

 

 

 

 

 



banner

© 2011 ყველა უფლება დაცულია www.formulary.ge